Gŵyl Ffilm Cymru a'r Byd yn Un

Ynglyn â WOW

Mae WOW wedi bod yn dathlu cyfoeth sinema’r byd ers 2001, gan ddod â detholiad eclectig, diddorol a chyffrous o ffilmiau o led led y byd i sinemâu yng Nghymru. Mae WOW yn cyflwyno detholiad o’r goreuon o sinema’r byd - ac weithiau ffilm o Gymru hefyd.

Fy newisiadau i yw’r ffilmiau, yn bersonol, yn hynod, ac weithiau’n wrthnysig neu’n anghonfensiynol. Ond gobeithiaf fod pob un ohonynt yn adrodd straeon nerthol sy’n goleuo’n byd a’n ffordd o fyw nawr. Maent yn straeon am y cyfyng-gyngor sy’n wynebu pobl, y dewisiadau maent yn gwneud, a chanlyniadau'r dewisiadau hynny. Gobeithiaf y bydd rhai o’r straeon hyn yn aros yn eich cof am hir gan roi rhywbeth i chi fyfyrio yn ei gylch hyd y daw cynigion y flwyddyn nesaf i’ch difyrru.

O dro i dro byddwn yn trefnu dangosiadau a digwyddiadau y tu allan i gyfnod yr ŵyl. Gobeithiwn y bydd y rhain yn estyn allan i gynulleidfaoedd newydd gan ddod â gwahanol grwpiau o bobl ynghyd mewn amrywiaeth o ffyrdd.

David Gillam
Cyfarwyddwr Gŵyl Ffilm WOW

Lleoliadau:

aberystwythartscentre